29 қарашада Ақсу қаласының №4 мектебінде республикалық семинар өтті«Білім беруді цифрландыру: тәжірибе, мәселелер, перспективалар».Іс-шараға Қазақстанның педагогтары мен білім беру мекемелерінің өкілдері қатысты. Сондай-ақ, Астана, Қарағанды облысының Абай қаласы және Алматы қалаларымен телекөпірлер ұйымдастырылды.Семинардың мақсаттары:• Оқыту сапасын арттыруға арналған заманауи цифрлық технологияларды зерттеу.• Білім беру процесіне жасанды интеллектті енгізу бойынша тәжірибе алмасу.• Оқу орындарындағы цифрлық қауіпсіздік мәселелерін талқылау.Семинар аясында білім беру саласында жасанды интеллектті қолдану мәселелері қарастырылды. Бұл тақырыптың өзектілігі зор, өйткені ол Білім министрі басшылық еткен тамыз саммиттын күн тәртібіне енгізілген болатын.Семинар бағдарламасы теориялық баяндамалар мен практикалық шеберлік сабақтарын қамтыды. Қатысушылар Padlet, Gimkit, Bamboozle және Umaigra сияқты интерактивті платформалардың мүмкіндіктерімен танысып, қызықты әрі тиімді сабақтарды ұйымдастыру әдістерін меңгерді.Семинар педагогтардың кәсіби дамуына ықпал етіп, тәжірибе алмасуға, заманауи технологиялармен танысуға және цифрлық дәуірдің негізгі мәселелерін талқылауға ерекше мүмкіндік берді.Қатысушылар семинардың жоғары деңгейде ұйымдастырылғанын және талқыланған мәселелердің өзектілігін атап өтті. Мұндай іс-шараларды өткізу — қазіргі заман талаптарына сай, ғылым мен технологияның жаңа жетістіктерін тиімді қолдана алатын білім беру жүйесін құру жолындағы маңызды қадам.