«Балалар кітапханасы» жобасы аясында 26 қараша күні кітапханашылар 9 «А» сынып оқушыларымен бірге «Инфо-Time: Қазақстан Республикасының танымал тұлғаларының өмірінен 20 факт» атты танымды іс-шара өткізді.
Оқушылар ерекше дауыс диапазоны арқылы танымал болған әнші Димаш Құдайберген туралы презентация дайындады. Ол өзінің өнерімен халықаралық деңгейде танымалдыққа ие болып, әлемдегі ең танымал тұлғалардың біріне айналды.
Іс-шара барысында балалар Димаштың өмірі мен шығармашылығынан қызықты деректермен бөлісіп, ақпараттық сауаттылық пен танымдық қабілеттерін дамытты.